Algemene kursusse

Module 1 – 'Legal practice' – bestaan uit vyf onderwerpe wat die grondslag lê vir enige regsassistent se begrip van die formele regsomgewing waarbinne hy of sy gaan werk, naamlik:

• Regsprofessie – verduidelik loopbaangeleenthede in die private en die openbare sektor;
• Prokureurskantoor – verduidelik die personeel, toerusting, liasseerstelsels en registers wat in ’n regspraktyk gehou word;
• Hofstruktuur – bespreek die regbank, jurisdiksie en hofstruktuur in Suid-Afrika;
• Kommunikasie – deel gedagtes oor kommunikasie in ’n formele regsomgewing; en
• Regsrekeninge – sluit af met ’n basiese kennis van die unieke rekeningkundige beginsels wat in ’n regspraktyk geld.

Hierdie onderwerpe dek die minimum wat ’n ambisieuse regsassistent behoort te weet.  Hierdie kennis sal jou help om vinnig te vorder in jou loopbaan as ’n regsassistent in die formele regsomgewing, hetsy in ’n prokureurskantoor of elders.

Aanbeveling: Ons beveel aan dat jy hierdie module voltooi voordat jy na ons kursusse oor siviele litigasie en skuldinvordering oorgaan as jy geen voorafkennis van regspraktyk het nie.

In Module 2 – South African law – gaan jy leer wat die reg is, waar dit vandaan kom, waar om bronverwysings te vind, hoe dit geklassifiseer word, hoe dit ontwikkel, hoe dit funksioneer en wat die basiese beginsels is.  Aan die einde van hierdie module sal jy die noodsaaklike kennis opgedoen het wat professionele regsassistente (pararegslui) wat in die formele regsomgewing werk, benodig.  Hierdie module is ’n baie goeie manier om vaardighede op te gradeer of om te verseker dat jy die basiese kennis van die Suid-Afrikaanse reg het wat nodig is om met selfvertroue in ’n regsfirma te funksioneer.

Module 3 – Practical legal skills – bestaan uit verskeie algemene onderwerpe wat 'n regsassistente moet ken wanneer hulle saam met ’n regspraktisyn werk.  Die doel is om jou toe te rus met ’n aantal nuttige en praktiese wenke wat jou sal help om ingelig te wees en goed te funksioneer in ’n formele regsomgewing.